Pang Sinulog Idol Ka Ba?

CEBU, Philippines - Sinulog Idol 2012 auditions na! Kun ikaw 14 to 25 years old ug may talento sa pagkanta, ikaw maoy gipangita sa Sinulog Foundation. Pa-audition karong October 28 ug 29, ala una sa hapon hangtud alas sais sa gabii, diha sa Sinulog Foundation Office, Cebu City Sports Complex. Pagdala lang og 3R close-up photo nimo ug pakantahon ka dayon acapella. Ang official entry forms naa sa Sinulog Foundation office.

Ang Sinulog Idol magtulo na ka tuig karong January 2012, ug usa sa nagkadaiyang mga kalihukan nga gilatid sa kapistahan sa dakbayan sa Sugbo. Kini nahimo na nga taytayan adtong mga batan-on nga may talento sa pagkanta aron mahatagan og katumanan ang ilang mga damgo nga maila dili lamang dinhi sa Sugbo kundili hasta na sa tibuok nasud.

Gani, si Sinulog Idol 2011 Raechelle Mae Faelnar paborito naman nga pakantahon sa nagkadaiyang mall shows, fiestas ug corporate events. Siya pa gayud ang gipakanta sa “Lupang Hinirang” atol sa away ni Boom-Boom Bautista nga nasaksihan sa tibuok kalibutan. Nalakip pud siya sa grupo sa mga mag-aawit nga gipaktan sa EATOF jingle. Ang nakanindot sa bulahang mga finalists sa Sinulog Idol mao nga mas mabaid pa ang imong talento pinaagi sa paggiya sa Center for Pop Music Philippines ubos sa higpit nga pagbansay ni Jay Unchuan, ang nailang ultimate vocal coach. Makadawat pa gayud ka og scholarship gikan sa Center for Pop kun magmadaugon ka.

Pwes, audition na! Tawag sa 254-5010 for more details!