Mga anak ni Nora nakababad sa taping
Ako mismo ay natutuwa kapag nakikita kong masayang nagkakasama-sama sa shooting/taping ni Nora Aunor hindi lamang silang mag-iina kundi kapag kasama rin nila si Christopher de Leon. Yes, sa kabila ng naging paghihiwalay nina Guy at Boyet, nananatili naman silang in good terms, nag-uusap kung kinakailangan at nagtatrabaho kung ganitong may offer na mapagsama silang dalawa.
Ilang ulit nang nakita sa set ang magkakapatid na Ian, Matet, Kiko, at Kenneth de Leon. Kitang-kita ng lahat kung paano sila nagmamahalan dahil hindi matapus-tapos ang kuwentuhan nila. Kung hindi lang marahil abala sa kanyang maraming trabaho si Lotlot, baka andun din siya.
Tipong sinusulit ng magkakapatid ang panahon na wala sa piling nila ang ina. Hindi naman sila nakakaistorbo sa trabaho nito, katunayan parang nabibigyan pa nila ng inspirasyon ang kanilang ina sa pagtatrabaho. Hindi naman sila papansin. Mapapansin nga lamang dahil masaya sila in their own quiet way.
Mabuti naman at mismong kay Cong. Roman Romulo na nanggaling na binata siya. Kundi puputaktihin ng puna ang sinasabing ka-MU niya na si Kon. Shalani Soledad na hindi matapus-tapos ang pagkakakabit ng pangalan kay P-Noy ganung napakatagal nang natapos ang relasyon nila.
About time na siguro na makakita ng bagong pag-ibig ang magandang konsehala.
Direk Marilou nakakabilib
Humahanga ako kay Direk Marilou Diaz-Abaya dahil sa kabila ng kanyang karamdaman ay nagagawa pa niyang ipagpatuloy ang kanyang passion sa pagdididirek. Kasabay ng trabaho niya ay ang kagustuhang maiangat ang industriya ng pelikula.
Mabuhay ka Direk! At magpatuloy sana ang paggaling mo dahil marami ka pang maiaambag sa industriya. Marami ka pa ring matuturuan para maging mahusay na manggagawa sa industriya, direktor, writer, at artista.
- Latest