1st Miss Teen Naga 2010 ilusad
CEBU, Philippines - Ang Archedyosis sa San Francisco de Asissi ug ang kagamhanan sa Naga, mapasigarbuhon nga mosaulog sa ika-181 nga anibersaryo ug tinuig nga kapistahan sa parokya.
Usa sa mga gikahinaman sa mga Nagahanon mao ang labing unang Miss Teen Naga nga ipahigayon karong umaabot Oktubre 9, 2010, usa ka adlaw sa dili pa ang dakong selebrasyon. Ang maong indigay maoy magsilbing pagpahinumdum sa atong kultura, pagsaulog sa pagkaanindot ug pagkahiusa sa mga Nagahanon.
Gipaila ang mga kandidata sa publiko niadtong Septiyembre 5, Charter Day sa Naga nga mao usab ang adlaw’ng natawhan ni Mayor Val Chiong. Gisundan kini og Tree Planting Activity sa Septiyembre 19 sa Barangay South Poblacion. Mipahigayon pud Summer Wear Pictorial ang mga kandidata sa usa ka yati nga duol usab sa ocean park o’ baywalk. Sa dili pa ang maong indigay, ang mga kandidata mosalmot usa sa Mugna: A Creation Day Celebration sa parokya o’ mas naila nga Pet Parade sa mga Nagahanon karong Oktubre 2, sa alas-tres sa hapon. Sa susamang adlaw, sa alas-otso y medya sa gabii, ipahigayon ang Talent’s Night diin ilang ipakita ang ilang maanindot nga talento.
Gipasiugdahan kining maong kalihokan ni Dinah Fuchs, Chairwoman Emeritus, Chitto Obando, Overall Chairman ug sa tanang MTN Power Staff. Gipaluyohan usab kini sa Game Port Internet Café, The House of NeVal Interiors and Landscaping Services. O.R.A.N.G.E., Roy Beauty Salon, JL Regner Construction and Aggregates, M Lhuillier, Zip Insect Repellent Lotion, Casino Femme, Bioderm, Cebuana Lhuillier, Banyan Tree Spa, SMART, Phil. Spring Water Resources Inc., Coca-Cola, RCTV 36, Kirshens Apparel, EESQ Pension House, ESO Home Builders, G-Benz Digital Photography, Flor Siomai, Fabie’s Digital Studio, St. Francis of Assisi Enterprises, Flowers by Valentino and Mercury Drugstore.
- Latest
