Sharon Angel, 2nd runner- up sa Mutya ng Pilipinas 2010

CEBU, Philippines - Nagmalampuson ang gipahigayong Mutya ng Pilipinas 2010 grand coronation night niadtong Sabado sa gabii didto sa kaulohan.

Ang mga mananaug   naglangkob nila ni Mutya ng Pilipinas Intercontinental, Carla Lizardo (Bicol), Mutya ng Pilipinas Tourism International ,Barbie Salvador (Pangasinan), ug Mutya ng Pilipinas Asia Pacific, Ashley McGarry (East Coast, USA). Wa usab magpauwahi sila si Suzette Hernandez, 1st Runner-up (Batangas), ug Sharon Grace Angel , 2nd-runner up (Lapu-Lapu City).

Gipadayag sa Sugbuanon nga si Sharon nga ang kanunay niya nga pag-ampo maoy hinungdan nga nasulod siya sa Top 5 ug dako na kini nga dungog alang kaniya.

Siya usab ang nahimo nga Miss Photogenic ug Top Model of the World Philippines 2010 busa siya maoy mo-representar sa Pilipinas sa Top Model of the World international beauty pageant sa unang bahin sunod tuig.

“Salamat gyud kaayo sa tanang misuporta sa pag-apil nako, daghan kay ko og mga naagian sa wala pako moapil ani nga pageant ug salamat kaayo sa Ginoo nga naka-place gyud ko,” saysay pa ni Sharon sa exclusive interview niini sa Banat Hugyaw kagahapon.

Si Sharon kasamtangang nagtungha sa kursong Tourism sa University of San Carlos.

Mapasigarbuhon si Princess nga nalakip siya sa maong indigay   sa kaanyag tungod kay niya pa mipailawom gyud siya og makuti nga screening ug dako niya nga kalipay nga nakaangkon siya og positibong resulta.

Gawas kang Sharon, dunay laing tulo ka mga Bisaya ang misalmot sa maong pageant . Sila mao si Karen Fatima Montanez (Cebu City), Aileene Ella Dango (Bohol), ug Ma. Tanchellie Lobete (Bogo, Cebu) kinsa nakalangkat sa Maybelline New York Award. 

Christian, Carmen sa Your Song

Magpares sila si Christian Bautista ug Carmen Soo sa umaabot nga episode sa Your Song nga gihimo sa Kuala Lumpur, Malaysia.

Jessa pasok sa Idol

Malakip si Jessa Zaragoza sa kantaserye nga Idol sa ABS-CBN   nga gibidahan nila ni Sarah Geronimo, Sam Milby ug Coco Martin.

Jillian magsugod na sa Agimat

Karong Miyerkules, September 1 na magsugod si Jillian Ward sa shooting sa pelikulang Agimat Ni Enteng nga bidahan nila ni Vic Sotto ug Bong Revilla .

Gerald gitambagan

Gisumsuman karon ang taho nga matud pa nga gidid-an si Gerald Anderson sa iyang mga suod nga higala nga dili magpaduol og sige kang Bea Alonzo aron dili maapektohan ang nagkalami nga tandem nila ni Derek Ramsay sa seryeng Magkaribal.

Moi Bien makigtigi sa iyang amo

Susama ang time slot sa seryeng Noah sa ABS-CBN ug Survivor Philippines: Celebrity Showdown sa GMA-7 . Busa ikatigi sa Survivor castaway nga si Moi Bien ang amo niya nga si Piolo Pascual nga maoy bida sa Noah. (BANAT)