Mga anak dusa sa hindi pag-uusap nina John at Janice

l‘m sure na kung nahihirapan man sina Janice de Belen at John Es­trada sa kanilang sit­wasyon ngayon na kung saan may mga hindi sila pinagkakasunduan hinggil sa kanilang paghihiwalay, doble siguro ang hirap na na­darama ng kanilang mga anak. Sana maresolba na nila ito para sa ikatatahimik ng lahat.

Pero talagang mahirap magkasundo kapag hindi nag-uusap at nagka­kagalit ang dating mag-asawang involved at korte lamang ang nag-uutos na mag-usap sila.

Sana for the sake of their children ay mag-usap sila ng mabuti, magkasundo at kung anu­man ang mapagkasunduan ay tutuparin ng ba­wat isa sa kanila.

* * *

Sana yung mga artista na may trabaho ay papagpahingahin naman bilang pangilin sa Mahal na Araw. Ang dami kasing artista ang nagsasabi na gustuhin man nilang magsimba, mag-visita iglesia, o mag-retreat, hindi nila magawa dahil may taping sila. Kung ang mga producer nila ay nagagawang ma-observe ang Holy Week, bakit hindi ang mga trabahador nila, kasama na ang mga artista?

Pero baka naman mabuti na yung nagtatra­baho ka kesa naman gi­nagawa mong parang fiesta ang Mahal na Araw.

* * *

Aba, at mayroon na namang bagong pelikula na ipo-prodyus si Boy Abun­da. Sa kabila ng kan­­yang kaabalahan, nakakapag-prodyus pa rin siya? Bilib ako sa kasipagan mo, Boy.

Title daw ng bagong movie niya ay ang Ang Pag­lilitis ni Andres Bo­nifacio. May pagka-his­torical ito. Aba, ‘di malayong malaki ang gastos nito.

Napanood ko yung first production venture ni Boy, ang Astig at na­gan­dahan naman ako con­sidering na bago ang nagdirek nito, si GB Sam­pedro.