Krista walang torya ang mga sinabi

MANILA, Philippines - May nagreklamo. Wala raw katorya-torya ang mga sinabi ni Krista Ranillo sa Rated K. “Ano ba yun?” react ng isang nag-abang sa interview.

Hmmm, sigurado raw na pinakiusapan si Mrs. Korina Sanchez-Roxas ng kampo ng starlet na bawal itong tanungin ng tungkol sa kanila ni Manny Pacquiao.

Kung sabagay expected naman ‘yun. Wala namang umaasa na magsasalita siya tungkol sa issue sa kanila ng kampeon ng boxing dahil mismong asawa naman ni Pacman na si Jinkee Pacquiao ang nagkukuwento tungkol sa naging problema nila ng asawa.

Kaya lang daw, dapat hindi na lang siya nagpa-interview noh.

Naka-focus sa Pasko ang tsikahan nila ni Ms. Korina at ang kanyang pagtulong daw.

Anyway, hayaan na natin si Krista.

Alam naman niya at ng mga taong malalapit sa kanya ang totoong mga pangyayari sa kanila ni Manny.