MMK episode ni Gerald
CEBU, Philippines - Ugma sa gabii na ang giatangan kaayong Maalaala Mo Kaya episode ni Gerald Anderson isip si Jerome, usa ka lalaking may sakit nga Tourette’s Syndrome. Gitun-an gyud ni Gerald ang mao niyang role ug gihimamat pa niya ang letter sender nga si Jerome diin iyang gi-obserbahan ang mga lihok niini.
Bag-o ang role ni Dennis sa Darna
Sayop ang unang balita nga migawas nga si Efren gihapon ang hatagan og kinabuhi ni Dennis Trillo sa iyang guest appearance sa Darna ni Marian Rivera. Kini kay tsika pa sa Pang-Masa nag-taping na kagahapon si Dennis ug bag-o ang iyang role. Si Dennis mao si Pancho, ang childhood friend ni Narda sa balay sagupanan ug kadungan niya nga midako. Magkauyab sila si Pancho ug Narda. Nahimong reunion nila ni Marian ug Dennis ang Darna diin kauban pod nila ang ilang director kaniadto sa Super Twins nga si Dominic Zapata.
Mga bata sa Stairway may show na
Tungod kay nindot og feedback ang panagpares nila ni Barbie Forteza ug Joshua Dionisio isip mga batang Cholo ug Jodi sa Stairway To Heaven, hatagan na sila og break sa GMA-7 pinaagi sa next season sa Dear Friend sugod karong November 22. Posibli pod matud pa nga makauban nila ang mga batang Tristan ug Eunice nga sila Jhake Vargas ug Joana Marie Tan.
- Latest
