Dingdong playing safe gihapon

CEBU, Philippines -  Safe pa gihapon og tinubagan si Dingdong Dantes. Sama na lang sa nahitabo dihang gipangutana siya kung posibli ba nga ma-in love siya ni Rhian Ramos tungod sa ilang romantic scenes sa Stairway To Heaven, nagkanayon ang aktor nga wala siya maghunahuna niini sanglit ang iyang focus mao ang iyang character diin kinahanglan nga mogawas gyud nga in love sila sa usag-usa tungod kay sukad pagkabata pa ang ilang panaghigugmaay sa maong serye, isip Joshua Dionisio ug Barbie Forteza.

Commercial diay

Gitin-aw ni Dingdong Dantes nga usa ka TV commercial ang San Marino nga hagbay rang gi-plug sa telebisyon isip 09.09.09 nga maaninaw na karong gabii.

Jean sakitan og managpa

Giangkon ni Jean Garcia ngadto sa PangMasa nga siya mismo maoy masakitan sa higayon nga sagpaon na niya ang mga bata nga maoy nagdala isip Barbie Forteza (young Jodi) ug Joana Marie Tan (young Eunice) sa mga eksena sa Stairway To Heaven. Mismo si Rhian Ramos nakatilaw na sa sagpa ni Jean tungod kay gipangayuan sila og live scenes sa presscon sa maong serye sa milabay nga gabii. Suma pa niya maluoy siya sa iyang mga ka-eksena, ug siya mismo sakitan mismo sa iyang kamot kung managpa na. Kini na matud pa ang labing salbahis nga character ni Jean, busa karon pa lang nag-sorry na siyang daan.

Paalam Cory

Karong adlawa ang 40th day sa pagpanaw ni former President Corazon Aquino, busa dunay Memorial Tribute ang TV5 para niya nga giulohan og Paalam, Cory. Usa kini ka oras nga documentary sa kinabuhi ni Tita Cory, diin ang mo-host mao sila si Cheri Mercado ug Conrado de Quiros para sa TEN (The Evening News) at 8:00 p.m.