Lovers in Paris sugdan karong semanaha

Excited na si Piolo Pascual nga makauban sa unang higayon si KC Concepcion sa local version sa Korea’s hit television series “Lovers in Paris.”

Gihatag na kaniya ang kopya sa DVD sa maong Korean series aron matan-aw ang karakter nga iyang dalhon. Giangkon niya nga dili siya ganahan motan-aw aron sundon ang karakter apan aron mahatagan niya og laing impact ang papel.

“It’s entertaining. Nakakaiyak at nae-excite na ako,” butyag sa aktor ngadto sa ABS-CBN.com.

”I’m just looking forward to it because this is KC’s first soap as well, so ang daming nag-aabang. Ang tagal niya itong hinintay at pinag-isipan. Kasi hindi birong gumawa ng soap opera. So I wanted to be there for her,” dugang pa niya.

Giangkon pod ni Piolo nga dako ang iyang pagsalig sa management sa ABS-CBN nga bisan og adaptation lang kini, mas mapakita gihapon sa serye ang kultura sa mga Pinoy, ilabi na kung unsa sila mahigugma.

Nasayran nga karong semanaha na sugdan ang taping nila ni KC ug Piolo alang sa maong adaptation.  

Rachelle gihatagan  og ring ni Gab

Gibutyag ni Gabriel “Gab” Valenciano nga gihatagan niya og promise ring ang rumored sweetheart singer nga si Rachelle Ann Go.

Gihatag niya ang maong ring sa ikaduhang gabie sa concert ni Rachelle dubbed as “Rachelle Ann: Falling in Love sa miaging Sabado, January 31 sa Music Museum.

”I got her hand and she wasn’t looking nagme-makeup siya noon. I wanted to catch her off guard. So she’s doing something else and I just got her and   put it through and she didn’t even look kaagad. And when I put it on she just stopped and ‘yun na. Na-mesmerize siya,” matud pa ni Gab ngadto sa ABS-CBN.com.

Matud pa ang singsing simbolo sa iyang commitment kang Rachelle sanglit molupad naman siya sa laing nasud aron sa paghuman og eskuyla sa Full Sail University sa Winterpark, Florida, USA.

Aron hapsay ang dagan sa tanang butang, kinahanglan lamang ang pagsalig nila sa usag-usa, padangat pa ni Mr. Pure Power.

Chad out, Glen in

Out na si Chad Burden sa Istayl Nato isip host, human sa kapin usa ka tuig niya sa maong programa. Kini tungod kay kinahanglan niya og dakong oras alang sa iyang OJT. Wala pay nakitang hulip niya, pero mulugwa karong Domingo isip co-host ni Anna Maris Igpit ang iyang uyab nga businessman — Glen Soco. Samtang nakakita na og hulip ang maong programa ni TJ Benjamin, kini mao si Kawasaki Hunk 2008 Joseph Sarnido kinsa mulugwa karong Domingo nga maghimo og chorizo sa Tabunok.

Dennis ug Heart na pod

Mipirma og laing duha ka tuig nga exclusive contract si Dennis Trillo sa GMA-7. Una niyang proyekto nga lakip sa iyang gipirmahan mao ang Sine Nobela nga Muling Buksan Ang Puso, pelikula ni Vilma Santos ug Daniel Fernando kaniadto. Makauban niya sila si Heart Evangelista ug Nadine Samonte.

Cherry Pie malaumon

Taliwala sa global crisis nga naghulga karon sa tibuok kalibutan, positibo si Cherry Pie Picache nga duna gihapoy maayong mahitabo, basta magpabiling mapasalamaton ug mag-ampo sa Ginoo.

Boy gitin-aw ang intriga

Subling giklaro ni Boy Abunda nga dili ang ratings maoy hinungdan nganong mawala na ang Boy & Kris. Niya pa si Kris Aquino maoy nakahuna-huna sa concept sa Showbiz News Ngayon kon SNN ug nauyonan sa management. Dugang pa niya kung wala pa ang maong concept pabilin gihapon sila isip host sa Boy & Kris.

Heart single again?

Buwag na matud pa si Heart Evangelista ug ang non-showbiz boyfriend niini. Kini maoy gisumsuman karon nga tsika sa showbiz circle pero wala pay kumpirmas-yon gikan ni Heart. Kahinumduman nga maguwang kaayo ni Heart ang maong lalaki ug family friend nila.