Sam miduaw sa Lalola set

Nakit-an matud pa si Sam Milby nga miduaw sa set sa LaLola. Nagpamatuod niini ang usa ka dili retokadong litrato nga nadawat sa beteranang kolumnista sa PangMasa nga si Manay Lolit Solis diin kauban sa aktor sila si Gladys Reyes, Angelika Dela Cruz, LJ Reyes, JC De Vera ug Rhian Ramos.

Matud pa sa beteranang kolumnista nga wala siya’y nakit-ang sayop sa giingong pagduaw ni Sam bisan pa man og nailhan kini nga Kapamilya star kay basin aduna lang kini nga higala sa Kapuso.

Sarah adviser ni Mark

Gibutyag ni Mark Bautista nga buot niyang panguyaban si Rufa Mae Quinto niadto apan wala kini niya gidayon sanglit dako ang iyang kahadlok kang Sarah Geronimo. Matud pa nga kanunay siyang maminaw kang Sarah sa higayon nga maymayan siya niini. “Kuya ang tawag sa akin ni Sarah pero parang siya ang ate ko. Lahat ng mga ginagawa ko noon, alam niya. Para nga siyang imbestigador. Dahil nga siguro close kami noon at lahat ng work namin ay iisa lang kaya gano’n na lang siya ka-concerned sa akin,” sey ni Mark. Wala nagpasabot nga nagselos si Sarah sa nibuthong isyu hinungdan nga gidid-an siya apan gitino ni Mark nga mas malipay hinuon si Sarah kung nadayon ang iyang giplanong pagpanguyab kang Peachy. Taliwala niini, nitapos gihapon isip managhigala sila si Mark ug Peachy hinungdan nga wala siya kabalibad dihang gikuha siya ni Rufa Mae isip usa sa mga leading men sa pelikulang Status: Single ubos sa Viva Films.