Annabelle nahiubos ni Heart

Haskang alegreha sa Thanksgiving Party para sa press nga gipasiugdahan sa Royale Era Entertainment ni Annabelle Rama niadtong milabay nga gabii. Puno sa pa-premyo ang maong party pero ang nakapaukay mao ang mga punchlines ni Annabelle.

Tiaw mo kana, matud pa sa PangMasa nga milenggua si Annabelle nga mga batig nawong ang iyang mga talents kaniadto ug murag mga “pokpok” hinungdan nga masaypan pod siya nga bugaw. Pero karon hugyaw na ang iyang mga talents sama nila ni Miriam Quiambao, Michelle ug Era Madrigal, JC de Vera, iyang mga anak nga si Richard, Raymond ug Ruffa Gutierrez.

Dugang pa sa PangMasa nga misamot ka alegre kay nagyawyaw si Annabelle nga sa tanan niyang talents si Heart Evangelista ra gyud maoy wala mopadala og gamit para ipa-raffle, pero sa tunga-tungang bahin sa party miabot ang mga regalo gikan sa aktres nga wala makatambong niadtong gabhiona.

Pwes, milenggua na lang si Ruffa ngadto sa press nga isipon na lang nga wala sila makadungog nga misulti og ingon niadto si Anabelle batok ni Heart. Mibahakhak ang mga tawo. (Ryan Mark)

Rafael out na sa Maruja apil sa Ate Vi movie

Giangkon ni Rafael Rosell nga naglisod siya sa usa ka shooting sa Civil Status: Single sanglit adtong higayona bag-o lang pod nahuman ang taping niya sa Maligno diin nabag-ohan siya sa transition sa iyang karakter gikan sa dark to comedy.

Si Rafael ang nagdala isip maniac boyfriend ni Rufa Mae sa pelikula. Dihang nahibaw-an kini sa aktor gikan sa director nga si Joey Reyes mitubag kini og “go!”

Sa laing bahin, naguol si Rafael nga natsugi na siya sa teleseyeng Maruja apan he’s looking forward sa shooting sa pelikula nila ni Batangas Governor Vilma Santos, John Lloyd Cruz ug Luis Manzano sa Star Cinema karong Abril sa New York.

Nursing a broken heart ang drama ni Rafael tungod kay nakigbuwag niya ang iyang uyab sulod na sa tulo ka tuig nga si Malaya Lewindenski. Wala matud pa niyay third party, mimata na lang sila usa ka adlaw niana nga daghan na kaayo sila og panagsumpaki, dili na sila magkasinabot.

Tayong Dalawa nanghawod

Kung 30.8 % ang pilot episode rating sa Tayong Dalawa sa Mega Manila niadtong Lunes sa gabii, mas taas ang nahipos niini nationwide——39%. Kini maoy nasayran sa Banat Hugyaw gikan sa fan’s club ni Kim Chiu kinsa usa sa mga bida sa maong serye, kauban nila ni Jake Cuenca ug Gerald Anderson.

JC tak-om sa relasyon kang Rhian

Very careful si JC de Vera kung hisgutan na ang estado sa relasyon nila ni Rhian Ramos sanglit dili siya gusto makabati og mga estorya nga gigamit lang niya kini aron i-promote ang soap nila. Matud sa aktor tinud-anay ang iyang gibati alang sa dalaga ug makita sa ilang mga lihok ang matuod nilang gibati sa usag-usa.