LJ Reyes dawit sa mahiwagang pagkamatay ni Marky

Seen : Ang grabeng pag-iyak ni LJ Reyes sa unang gabi ng burol ni Marky Cielo. Nadadawit ang pangalan ni LJ sa ‘mahiwagang’ pagkamatay ni Marky.

Scene : Ang mga tao na dumagsa sa bahay ni Marky Cielo sa Antipolo City. Pumunta sila para makiusyoso at makita ang mga artista na makikiramay sa naiwan na pamilya ni Marky.

Seen : Si Jolo Revilla ang aktor na pinagkuwentuhan ni Marky tungkol sa mga natatanggap niya na pagbabanta sa kanyang buhay.

Scene : Nega si Kris Aquino dahil sa pagpuna niya sa suot na relo ni Ruffa Gutierrez habang nakikiramay ito at si Boy Abunda sa pamilya ni Marky. Hindi nagustuhan ng televiewers ang ipinamalas ni Kris na insensitivity. 

Seen :  Ang Facebook account ni Marky Cielo na ginawa ng kanyang fans, ang R.I.P. Marky Cielo account.

SCENE : Nega ang title na Land Down Under. Down na nga, under pa. Tama lang na pinalitan ng Star Cinema ang title ng pelikula nina Piolo Pascual at Angel Locsin.

Seen : Nag-improve na ang English grammar ni Manny Pacquiao. Nakakasagot na siya nang maayos sa interview sa kanya ng mga American sportscaster. May determinasyon si Manny na matuto. Maaari na siyang makipagsabayan sa pagsasalita ng Ingles sa kanyang mga anak na nag-aaral sa international school at fluent sa American language.