Internet users bilib sa 'brief scene' ng Pieta
Inihahandog ng Philippine Movie Press Club (PMPC), Inc. ang isang espesyal na musical-variety show entitled Celebrity Night: All-Star Cast, isang paghahandog ng mga celebrity guests para sa kanilang mga fans.
Gaganapin ngayong Biyernes, Nobyembre 14, 8 p.m. sa Metro Bar Concert Hall (West Avenue, Quezon City), ang Celebrity Night: All-Star Cast na inaasahang magiging isang gabi ng star-studded na kantahan, sayawan, at kasiyahan.
Makikisaya sa fund-raising show na ito ng PMPC sina Ara Mina, Valerie Concepcion, Alfred Vargas, Sunshine Dizon, Joseph Bitangcol, Faith Cuneta, Lotlot de Leon, Lovi Poe, ang mga guwapong Pinoy Dream Academy ex-scholars na sina Sen Nichols, Miguel Mendoza, Van Garcia, at Geoff Taylor.
Panauhin din sina Maureen Larrazabal, Daiana Meneses ng Eat Bulaga, Blakdyak, Snooky Serna, Emilio Garcia, Jeffrey Hidalgo, Aiza Marquez, Tiya Pusit, Raphael Martinez, PJ Valerio, Zarah Aldana, Ynah Asistio, Arnee Hidalgo, Vaness del Moral, Kevin Santos, Shyr Valdez, Giu Comia, Cris Cayzer at Tim Yap.
Marami pang ibang surprise guest stars — Kapuso at Kapamilya — ang nagpasabing darating for this one night of entertainment, kaya watch na!
P500 ang halaga ng tiket. For details, contact Rodel Fernando at 0908-3271128 at 0915-5698078.
* * *
Puring-puri ng mga manonood ang unang linggo ng Pieta, ang pinakabagong teleseryeng pang hapon ng ABS-CBN, pagkatapos ng Wowowee dahil naman sa matitinding action at dramatic scenes nito.
Maging ang mga internet users ay nagpahayag ng paghanga sa ganda ng Pieta, mula sa pagkakasulat ng istorya, pagkakadirek nina Toto Natividad at Don Cuaresma, hanggang sa pagganap ng buong cast.
Marami na rin silang paboritong scenes kasama na ang kakapalabas lamang at kontrobersyal na “brief scene”.
Dagdag pa rito yung perfect acting nina Cherie Gil at Ryan Agoncillo.
- Latest
