TIPAKA: Mga Detalyeng Angay Atangan

Giklaro ni Bunny Paras kagahapon sa long distance interview sa Startalk nga dili brain cancer ang balatian sa five-year old love child nila ni DJ Mo Twister nga si Moira. Matud pa niya, cyst sa brain ang naa sa bata ug mahimo kaayo kining matambalan.

* * *

Gitin-aw nila ni Yayo Aguila ug William Martinez sa Startalk kagahapon nga dili tinuod nga dunay cancer si Liezel Martinez, nga asawa ni Albert. Ang tinuod matud nila nga ang inahan nila ni William ug Albert ang dunay cancer—throat cancer. Suma pa nila, si Liezel ang kanunay nga kauban sa iyang mother-in-law matag treatment busa posible nga nalain og sabot ang mga nakakita. Basta ang sigurado, okay kaayo si Liezel ug wala kini balatian.

* * *

Si Melanie Marquez ang natagak kagahapon sa Celebrity Duets. Siya ang labing unang contestant nga na-eliminate. Wa epek sa text voters ang super-projection ni Melanie sa Celebrity Duets.

* * *

Nakagawas na si Ely Buendia sa Philippine Heart Center. Dako og naiban sa timbang ni Ely ug luspad kini. Pero kung si Ely nakagawas na, si Francis Magalona nga na-diagnose nga dunay leukemia illness, nagpabilin pa gihapon sa Medical City.

* * *

Mabdos si Mylene Dizon para sa ikaduha nilang baby ni Paolo Paraiso. Duha na unya kabuok ang ilang anak, busa matud pa sa mga himantayon mas maayo nga tun-an nilang duha ang ilang relasyon alang sa ilang mga anak.