Dina Bonnevie
Migawas ang intriga karon nga ang hinungdan nganong dili kaayo feel ni Dina Bonnevie nga mahimong girlfriend sa iyang anak nga si Oyo Boy Sotto si Kristine Hermosa mao si Diether Ocampo. Kini bisan pa man og vocal kaayo si Oyo sa pagpadayag nga unconditional love ang iyang gibati para ni Kristine. Ang tsika mao nga dihang nagkauban sila si Diet ug Dina sa pelikulang Bahid kaniadto, dihay namugna nga labaw pa sa panaghigala nga relasyon tali ni Diet ug Dina, ug human niini ang actor na usab og si Kristine ang nagka relasyon. Pwes, kini nga anggulo ang nakita nganong dili kaayo feel ni Dina ang bida sa Prinsesa ng Banyera.
Zanjoe Marudo
Gi-anunsyo na ni Zanjoe Marudo nga hapit na sila mag-two years sa ilang relasyon karon sa sikat nga TV host nga si Mariel Rodriguez. Giangkon niya ang maong status nila ni Mariel atol sa presscon sa nagkaduol nila nga concert nga Cover Boys, Cover Boys: Uncovered
Yeng Constantino
Out in the market na ang second album ni Yeng Constantino, ang Pinoy Dream Academy (PDA) First Grand Winner, diin giulohan kini og Journey ubos sa Star Records. Gipadayag niya nga malipayon siya kay dako siya og natabang sa iyang pamilya ilabi na sa pag-patungha sa iyang mga igsuon ang mao niya nga kadaugan. Matud pa niya nga dili paigo ang income sa iyang amahan nga
Anne-Aga
Mitekang kagahapon diri sa Sugbu sila si Aga Muhlach ug Anne Curtis, ang mga bida sa pelikula sa Star Cinema ug Viva Films nga “When Love Begins”. Naghinam-hinam na ang duruha sa mamahimong resulta sa opening niini karong April 30. Matud ni Aga nga naka-uyon siya sa panagpares nila ni Anne kay nindot o professional ikatrabaho ang dalaga.
Gibutyag usab sa aktor nga confident siya sa maong proyekto ilabi na nga supportive kaayo ang iyang asawa nga si Charlene Gonzales busa wala siya makasugat og problema sa paghimo niya sa When Love Begins. Mipadayag usab si Anne Curtis nga proud kaayo siya nga napares niya si Aga sa usa ka pelikula kay usa man kini ka bigatin nga artista ug labaw sa tanan kay iya na kini nga crush sukad kaniadto.
“Napanood ko yung mga movies niya, talagang crush ko na siya noon, kaya nga it’s an honor sa akin na makasama ko siya sa isang pelikula ,” say pa ni Anne ngadto sa local entertainment press.
Pangandoy na ni Anne nga makapares niya si Aga niadtong 12 anyos pa lang siya ug karon natuman na kini ug gikonsiderar kini nga pinaka-sexy niya nga pelikula.
Isabel Blasé
Gipadayag ni Isabel Blasé nga never niya nahimong boyfriend si Mikee Lee . Kahinumduman nga gidungog ang duha nga nagka-uyab pero nagkabuwag dayon. Giangkon hinoun niya nga nangulitawo si Mikee kaniya pero wala niya kini gisugot kay gipili niya nga friend lang sila kutob. Sa pagkakaron kay wala na’y communication si Isabel ug Mikee sukad nahuman ang ilang show nga Abt Ur Luv. Matud pa ni Isabel nga busy karon sa school ang aktor.Samtang gipadayag niya nga naa’y nanguyab niya karon nga taga GMA, ang kanhi StarStruck finalist nga si Kiko Junio apan iya pang gitun-an ang iyang mamahimong desisyon niini. Regular nga makita karon ang dalaga sa Prinsesa ng Banyera diin kapares niya dinhi si Dino Imperial. Gipadayag usab niya nga dili niya buot mahimong boyfriend si Dino kung manguyab kini niya kay kiat ra kaayo ang batan-ong aktor.
Geoff Eigenmann
Gipakugang ni Geoff Eigenmann ang tibouk staff sa Lobo sa first taping day niya last Monday, April 21 tungod kay mi-slim na kini apan iyang giangkon nga duna kini kalambigitan sa iyang role sa maong serye isip trainor ni Angel. Gawas nga gamay ra ang iyang kinaon wala usay hunong ang iyang pag-boxing sulod na sa 10 months, diin naibanan siya og 30 pounds, busa karon 160 pounds na lamang siya. Samtang gibutyag ni Geoff nga diriyot diay unta siya nga wala mahinayon sa iyang role isip Alex Aragon sa Lobo, tungod kay dihang gitanyag kini ngadto niya last month gitakda siya nga molarga sa America alang sa iyang green card. Pero nasayo siya og lupad, busa nakabalik siya adtong Sabado ug subling mi-audition una pa niya nakuha og balik ang role.
- Latest
