Mga Dangs!

Kun ako’y inyong pangutan-on kun unsay akong ikasulti atong kalihokang gitawag og KINAIYANG SUGBOANON nga diha himoa sa Grand Ballroom sa Cebu International Convention Center kon CICC, moingon jud ko, GRABE, sobra ka malampuson. Wa ko”y laing ikasulti, kay para nako, natagbaw ko’s akong nasaksihan, gawas nga hilabihan ka daghan sa mga tawo nga nanan-aw ug misaksi sa pagbanhaw ni Sir Dodong Gullas sa mga kinaiyang Sugboanon uban pod sa pag-abag sa mga tawo nga nahinumdum sa mga nawatas watas nilang kagahapon Yezz, mga dangs.

Moingon jud kog nawatas watas nga kagahapon tungod kay, kami na lang tingali rong nalapas na’s kalendaryo ang makahunahuna og rosaryo matag alas sais sa hapon, kay ang mga batan-on, tua mas mga malls kun motikyop na ang kagabhion.  Gawas pa mga Dangs, nga hugyaw kaayo ang mga kalingawan sama sa pagpasundayag sa mga kanhiay’ng mga kinaiya, sama sa Balak, Harana, Kulilising Hari, ug usa sa mga karaang kinaiya sa mga Sugboanon sa kasal, hugyaw kaayo ang mga sayaw ug mga awit nga gidalit sa mga talented kaayong mga sakop sa UV Dance Troup, UV Talents, ug internationally acclaimed nga UV chorale. Hugyaw pa jud kaayo ang mga tawo nga nanambong, nga nanghugyaw sa mga awit nilang Al Comendador, Erlinda Dajao Sayson, Nobo Bono, Jr., ug Max Surban.

Mga Dangs! Kun didto pa lang mo, makasaksi gyod mo sa mga hugyaw’ng mga tawo, mga tawo nga mga sosyal, including even Monsignor Achiles Dakay, Cordova Mayor Adelino Sitoy, Atty. Aven and Madame Carmen Piramide, Atty. Joseph Baduel ug many many more, [apil na pod sila’s Sir Joe Recio, Maam Flor Ynclino, Sir Archie Modequillo, nga nahugyaw god sa mga take note, semi green and double meaning jokes ni Max Surban). Mao nay giingon nako, mga dangs. nga ang mga maot ra gyod nga sakop sa katilingban ang moingong bastos ang mga kanta ni Max.

Come to think of it, in the first place, nganong of all people, ang edukado, ug educator nga si Sir Dodong Gullas, mi-acknowledge man sa talent si Max Surban, aber? EXPLAIN! Anyway, kudos to the over all director of the whole affair, choreographer par excellence cum actor [remember Call of Guadalupe?] and of course, THANKS and KUDOS, to Sir Dodong Gullas. Wish ko lang nga hopefully also, apilon niya ang mga producers sa mga Visayan movies kanhi like, Mrs. Concordia Tunacao Arong, Dr. Leandro Tojong and others.