Merong masasaktan sa pagsasabay ng Billy/Christian concerts

Head-on collision ang mangyayari sa live concerts nina Billy Crawford at Christian Bautista sa Sabado, Oktubre 6.

Magkasabay na ipa­palabas ang Ins­pired ni Christian at ang unang major concert ni Billy na It’s Time. Ang una’y sa Cuneta Astrodome at ang sumunod naman ay sa Araneta Coliseum.

Kahit pa­pa­no, ma­aapek­tuhan ang dala­­wang shows ng ma­hu­hu­say na Pinoy per­for­mers. Nag­katapat sila sa mag­kai­bang ve­nues, ka­ya ma­ha­hati ang mga mano­nood sa dala­wang shows.

Kilala na si Billy Crawford bilang isang total per­former kahit no­ong bata pa si­ya, Kaya lang, ma­ta­gal siyang nawala sa ban­sa nang mag-mi­grate ang kanyang pa­milya sa US.

Nabalitaan na lang natin siya na isa siyang superstar sa Europe. Sa France kasi siya nabig­yan ng recording break at naging super suc­cessful ang kanyang album. Naging big hit pa ito sa iba’t  ibang bansa sa Europe.

Kahit saan magtang­hal ng kanyang live concert sa nasabing continent, dinudumog. Hanggang magpasya siyang bumalik sa U.S. at doon na sa New York magtayo ng kanyang sariling record & pro­duction company.

Ngayon ay nandito siya sa ating bansa upang pag­ti­bayin ang kanyang estado bilang leading entertainer. Ang kan­yang live concert sa Big Dome  on October 6 (Sa­bado) ang isa sa magiging batayan kung matatag na ang kan­yang showbiz ca­reer sa sariling bansa.

Na-promote naman ng husto ang show dahil nagkaroon pa ng one-month search para sa kanyang back-up dan­cers for the concert.

Ang naging pro­blema lang, isa pang top R&B artist ang may live concert sa Araneta Coli­seum, a week after. Ang show ni Ba­by­face ay ina­abangan na rin ng mga R&B fans sa ating bansa.

Kahit hindi ito ka­sabay ni Billy, ang Babyface show ang tiyak na makaka-apekto sa Pinoy artist’s show. Sa mga R&B fans kasi, isang icon si Baby­face. Sa ibang taga­hanga niya na limitado ang budget, malamang na ilalaan na nila ito sa pagbili ng tic­ket para sa Ame­ric­an/sing­er/com­poser/producer.

Samantalang si Chris­tian Bautista na­man, solid ang mga followers na susuporta sa kanyang live con­cert. Kahit pa nga sa Cuneta Astrodome lang ito, very ac­ces­sible pa rin sa mga tagahanga niyang ta­ga-Metro Manila.

Palagay ko, naka­uungos na ang Ins­pired na higit na ma­raming ma­nonood kay­sa show ni Billy.

Isa pa, ma­hirap pu­nuin ang Ara­neta  Co­li­seum na ve­nue ni Bi­lly. Sa­na na­man hindi siya ma­tulad sa ilang artists na pinamigay na lang ang mga hindi nabiling tic­kets, para lang masa­bing napuno nila ang Big Dome.

Ano na kaya ang nangyari sa movie proj­ect na pagbibi­dahan sana ni Billy Crawford at Heart Evangelista?

Noong unang du­ma­­law sa bansa si Billy, mainit ang balitang ito at nag­padala pa siya ng isang dosenang Ecua­do­riaon roses kay Heart.

Noon ay may balita din na gagawa ng isang pe­likula sa bansa si Jasmine Trias. Hang­gang ngayon bu­sy si Jas­mine sa kan­yang mga show­ biz com­mit­ments sa Tate.