Maricel, sinampal!

Umaapoy sa tindi ng init ang S-Files ngayong hapon sa GMA 7. Magsisilbing bumbero or tagapatay ng apoy ang mga hosts na sina Pia Guanio, Joey Marquez, Paolo Bediones, at Richard Gomez. Hitik sa maiinit na kontrobersiya, mga usapang showbiz, mga pagpapaliwanag ng mga artistang live guest sa show.

Gaano katotoo na sa laki ng galit ng sister ng dating beauty titlist na si Maricel Morales, nang magpunta ito sa bahay ng kapatid para batiin ng happy birthday ang anak nila ni Ace Espinosa, pero sinampal pa raw si Maricel kasama nito ang kanyang bf dahil nagkataong nandun din si Ace?

Gretchen Barretto, nami-miss daw ang mga kapatid na sina Claudine and Marjorie.

Assunta de Rossi at Jules Ledesma, nakunan ng camera at interview mula sa Italy kung saan ay nag-honeymoon sila at first time na nagkita sina Jules and mother in law (Mommy Naneth) pero wala na silang samaan ng loob.

Live guest din sina Jolina M, Jay R, Raymond G, Juliana Palermo, nagpaliwanag tungkol sa malaking issue nila ni Ilocos Sur Gov. Chavit Singson, umano ito ang sponsor niya nang manood ng laban ni Manny Pacquiao at Eric Morales.

Bukod dito, may bagong pakulo ang S-Files, ito ang portion ng Machika Ang MatibaY2, ito ang pinakabagong game show ng Siete at ng nasabing talkshow. - LGCELI