Kailangan ka ni Ogie

Muling pananatilihin ni Ogie Alcasid ang magandang takbo ng kanyang music career sa pamamagitan ng kanyang bagong awiting, "Kailangan Ko’y Ikaw" ang lead single ng bagong CD/cassette album na pinamagatang "Movie Moments" na pinrodyus at inilabas ng MCA Universal. Ang nasabing kanta ay kasalukuyang madalas i-request sa AM and FM radio. Sa OPM department, ang nasabing single at album ay matulin na umaakyat ng record charts.

Ang "Kailangan Ko’y Ikaw" ay sariling likha ni Ogie Alcasid na originally isinaplaka ni Regine Velasquez. Nang umani ng malaking tagumpay ang awitin naisipang isapelikula na naging box-office hit noon.