Katrina Paula, palaban

Ayaw pa rin paawat sa paghuhubad ang mas seksi ngayon na si Katrina Paula. Kung ang ibang bold stars ay nagsasabing babaguhin na nila ang kanilang image dahil sa bagong pamunuan ng MTRCB, si Katrina ay walang pakialam. Mas palaban nga siya sa kanyang bagong pelikulang Venus (Diosa ng Kagandahan) ng Atlantic Films. Katwiran niya, kailangan sa istorya ang paghuhubad. Ba‘t nga naman hindi siya bibigay?

"Bahala na ang kinauukulan kung puputulin nila ang eksena ko o hindi," wika niya.

Sa isinagawang pictorial kay Katrina sa Subic ay halatang siya mismo ay nasisiyahang magpakita ng kanyang hubad na katawan. Kahit maraming nanonood at nag-uusyoso.

Ipinorodyus ni Ramon Lee, ang Venus (Diosa ng Kagandahan) ay tinatampukan din nina Aya Medel, Ramon Christopher, Allen Dizon, Jess Sanchez at Honey Blanca.