Utol (16)
PATULOY pa rin si Nanay Luisa sa pagkukuwento kay Gerald ukol sa nangyari kina Sir Jaime (papa ni Gerald) at nang magandang maid na si Catalina. Bagama’t alam na ni Gerald ang bahaging iyon ng kuwento dahil naisalaysay na ng kanyang papa noon, mas detalyado ang kuwento ni Nanay Luisa dahil pinagtapat mismo sa kanya ni Catalina.
“Ayon kay Catalina, tagumpay niyang naisuot ang brief kay Sir Jaime kahit pa pikitmata iyon sapagkat nakakahiya. Pero dahil natatakot siyang magkasakit si Sir Jaime, lakas-loob niyang ginawa.
“Nang nasuutan na niya ng brief ay tinakpan niya ng tuwalya ang bahaging iyon at saka pinunasan ng mali-gamgam na tubig si Sir Jaime. Pagkaraang mapunasan, inihanda niya ang bihisan nitong pajama.
“Sinuutan niya ng pajama. Pero nang susuutan na niya ito ng puti na t-shirt ay bigla raw nagkamalay si Sir Jaime. Nahimasmasan na sa pagkalasing. Siguro’y dahil sa pagkakapunas niya rito.
“Nagkatinginan daw sila. Hanggang sa ibaba raw niya ang paningin. Hindi niya kayang makipagtinginan.
“Hanggang sa bigla na lamang daw siyang halikan sa labi ni Sir Jaime. Mainit na mainit daw ang labi ni Sir. Nag-aapoy daw.
“Hindi siya nakatanggi sapagkat noon pa, may lihim na raw siyang pagtatangi rito. Lalo pa raw diniin ni Sir Jaime ang labi nito sa kanyang maninipis na labi. Nagbabaga raw ang labi ni Sir.’’
“Hanggang sa nagpatianod na lamang siya. Para siyang bangkang papel na siniklut-siklot ng alon. Napakasarap daw ng pagkakahalik ni Sir na lahat ay nakalimutan niya.
“Hanggang gumala raw ang kanang palad ni Sir sa kanyang katawan. Nagsaliksik ito…” (Itutuloy)
- Latest
