Unang face transplant: Isinagawa sa babaing nilapa ng alagang aso
ANG unang face transplant ay isinagawa noong Nobyembre 27, 2005 nina Dr. Bernard Devauchelle, isang oral at maxillofacial surgeon, at Jean-Michel Dubernard ng Amiens, France. Ang kanilang pasyente ay si Isabelle Dinoire na ang mukha ay grabeng napinsala makaraang lapain ng alaga nitong aso. Naganap ang insidente noong Pebrero 2005.
Ayon sa report, nag-take umano nang maraming sleeping pills si Dinoire. Na-overdose si Dinoire at hindi ito magising. Ayon sa kuwento ng anak ni Dinoire, nakita niyang kinakagat at kinakalmot ng alagang Labrador Retriever ang mukha ng kanyang ina. Duguan at wasak na wasak umano ang mukha nito.
Hinala, ginigising ng La brador ang among si Dinoire subalit hindi magising kaya kinagat at kinalmot ang mukÂha.
Ayon naman sa pagkukuwento ni Dinoire, masyadong marami siyang problema kaya nag-take ng sleeping pills. Nahilo umano siya at bumagsak. Tumama ang kanyang ulo sa furniture at nawalan ng malay. Sa sitwasyon iyon siya nakita ng aso at tinangka siyang gisingin.
May nagsasabi naman na tinangka ni Dinoire na magpakamatay ng oras na iyon.
Magkaganoon pa man, pinatay ang asong lumapa sa mukha ni Dinoire sa pamamagitan ng euthanasia.
Isinagawa ang transplant sa mukha ni Dinoire. Kumuha ng tissue mula sa ilong at bibig ng isang donor --- isang brain-dead woman. Iyon ang inilagay (grafted) sa mukha ni Dinoire
Pagkaraan ng 18 buwan, inilabas ng New England Journal of Medicine na tagumpay ang transplant. Masayang-masaya si Dinoire sa resulta ng transplant. --www.oddee.com--
- Latest
