Dear Kuya Uriel,
Suwerte ba ako kUn molarga ako sa gawas this year? I was born on June 25, 1986. Unsay perfect match nga guy for me? -- 0916-29101xx
TUBAG: Tigre ang imong horoscopic animal. Dili makatumbok ang feng shui kUn suwertehon ka ba sa abroad apan ang imong pag-adto sa gawas maoy katumanan sa gibutyag sa imong CHI nga ang sama kanimo mahiligon sa panimpalad ug buhaton gayod ang unsay gituohan nga angay buhaton bisan unsa pa man kini kalisod. Ang lalaki nga perfect match alang nimo mao ang natawo sa tuig sa kabayo, iro ug koneho.
* * *
Dear Kuya Uriel,
Hello...! I want to know my CHI. I was born on February 12, 1985. Thank you very much. More power and God bless. -- 0910-2359976
TUBAG: Natawo ka sa tuig sa baka. Nahimugso ka sa petsa nga ang elementong kalayo maoy essence of the day. Kusog ang buylo sa imong CHI. Nagpasalig kini alang kanimo og madagayaon nga kinabuhi. Pero angay kang magmatngon sa adlaw'ng Lunes nga maatol sa petsa 23 sa bulan kay posibleng mo-lukewarm ang imong CHI.
* * *
Dear Kuya Uriel,
Maayong adlaw. Gusto kong masayod kUn unsay akong CHI. Natawo ko sa October 26, 1977. Unsay akong kapalaran sa gugma? Thanks. -- 0926-2996xxx
TUBAG: Natawo ka sa tuig sa bitin. Nahimugso ka sa petsa nga ang elementong yuta maoy essence of the day. Kasarangan nga kinabuhi ang imong maangkon dinhi sa silong sa adlaw. On and off ang momentum sa imong positive CHI. Bukas alang kanimo ang pipila ka kahigayonan sa pag-asenso. May pasalig nga kUn doblehon nimo ang imong paningkamot, imong maangkon ang kapakyasan. Hinuon, may pasidaan nga dili ang tanan nimong pangandoy sa kinabuhi makabaton og katumanan. Sa natad sa gugma, dako ang purohan nga magmalipayon kUn makabaton og hinigugma o kapikas sa kinabuhi nga natawo sa tuig sa baka ug sunoy kay magdala sila'g suwerte kanimo.
* * *
Editor’s Note
Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.