Fetus sa ecobag nadiskubre sa tabi ng kanal

MANILA, Philippines — Isang fetus ang natagpuang itinapon malapit sa kanal sa Antipolo City, madaling araw ng Sabado.

Sa ulat ng Antipolo City Police Station, ang nadiskubreng patay na fetus ay tinatayang nasa 6-7 buwan na nakakabit pa ang umbilical cord na nakasilid sa isang eco bag.

Dakong ala-1:00 ng madaling araw nang madiskubre ng concerned citizen ang fetus sa Purok 1, Zone 8, barangay Cupang, Antipolo City.

Iniimbestigahan ng Antipolo CPS-Women and Children Protection Desk kung saan nagmula ang fetus na pinaniniwalaang itinapon matapos isagawa ang abortion. 

Inilibing na rin kaagad sa Antipolo Public Cemetery, sa Sto. Niño Street, Brgy. San Jose, Antipolo City.