Lolo timbog sa ecstasy at shabu

MANILA, Philippines — Nalambat ng pulisya isang 64-anyos na lolo na tinaguriang high-value target ng pulisya sa isinagawang buy-bust operation, kamakalawa ng gabi sa Brgy. Molino 4, Bacoor City Cavite.

Kinilala ang naares­tong suspek na si alyas na “Samson”, 64-anyos, tubong Lanao Del Sur.

Sa ulat ng PDEA-Calabarzon,dakong alas-8:10 ng gabi nang magsagawa ng buy-bust operation sa harap ng isang mall sa Barangay Molino 4.

Nasamsam ng mga otoridad ang humigit kumulang na 1,157 piraso ng ecstasy at humigit kumulang na 150 gramo ng shabu at buy-bust money na sa kabuuan ay aabot sa mahigit kumulang na P2 milyong piso ang halaga ng mga narekober sa suspek.