Sticker campaign inilunsad ng Quezon Police

LUCENA CITY, Philippines — Inilunsad ng Quezon Highway Patrol Group (HPG) ang kanilang “sticker campaign” sa mga pampublikong sasakyan upang maiwasan na maulit ang nangya­ring shooting incident sa pampasaherong bus ng Victory Liner sa Carranglan, Nueva Ecija.

Nagdikit na ng stickers ang Quezon HPG sa mga bus sa Lucena City Grand Central Terminal na nagpapaalala sa mga driver, konduktor at mga pasahero na maging mapanuri sa makakasabay sa biyahe.

Ayon sa Quezon HPG, maaaring makipag-ugnayan sa kanila ang publiko kung may mapapansing kahina-hinalang pasahero sa loob ng bus.

Pinangunahan ang hakbang na ito ni PMaj. Jonathan Victor M. Olveña, Provincial Officer ng Quezon Police-HPG at Deputy Chief PLt. Nestor Baylosis.