Hotel employee tepok sa pananambang
CAVITE , Philippines — Patay sa ambush ang 25-anyos na hotel employee matapos pagbabarilin ng ‘di nakilalang salarin habang sakay ng kaniyang kotse at bumabagtas sa kahabaan ng Brgy. Lumampong Balagbag, bayan ng Indang, dito kamakalawa.
Dead-on-the-spot ang biktima na nakilalang si Angelo Paragas Manlalo, 25-anyos, binata, hotel employee at residente ng 151 Brgy. Lumampong Balagbag Indang, Cavite.
Sa nakalap na ulat mula kay Police Major Edward B Cantano, hepe ng pulisya sa bayang ito, minamaneho ng biktima ang kaniyang Toyota Rush silver na may plakang DAQ 8051 dakong alas-2:50 ng hapon at bumabagtas sa Magabi Road sa Brgy. Lumampong Balagbag nang bigla siyang pagbabarilin ng ‘di nakilalang salarin.
Nang masiguro ng suspek na patay na ang biktima, mabilis siyang tumakas bitbit ang armas na ginamit sa pamamaril.
- Latest
