3 college professor tepok sa salpok ng jeep

TIAONG, Quezon, Philippines — Patay ang tatlong professor ng Southern Luzon State University-Tiaong Campus makaraang mabangga ng isang jeepney topdown habang tumatawid sa kahabaan ng Mahar­lika Highway, Brgy. Lagalag, sa bayang ito, kamakalawa ng gabi.

Kinilala ang mga nasawing biktima na sina Salvo Ocampo Salvacion, 30, instructor 1; Rosie Campus Dulay, 62, Assistant Professor IV; at si Cheryl Baracael Bundalian, 27, instructor 1.

Sa imbestigasyon ng Tiaong Police, alas-7:00 ng gabi ay binabagtas ng jeepney topdown na minamaneho ni Zaldy Patulot Mosquera, 63, ang nasabing kalsada nang mabangga nito ang mga tumatawid na mga biktima.

Mabilis na isinugod sa Peter Paul Medical Hospital si Salvacion at Bundalian habang dinala naman sa Candelaria United Doctor’s Hospital si Dulay dahil sa tinamong mga kapinsalaan sa kanilang mga ulo at katawan.

Sa kasamaang pa­lad ay idineklarang patay si Bundalian, alas-8:40 ng gabi habang bi­nawian din ng buhay si Dulay, alas-9:15 ng gabi. Kahapon naman ng umaga, pumanaw na rin si Salvacion.

Kasalukuyang nasa kustodiya ng otoridad ang driver ng nakabanggang jeep habang nagpapatuloy ang isinasagawang mga im­bestigasyon. Ed Amoroso