Occidental Mindoro niyanig ng 5.2 magnitude na lindol
MANILA, Philippines — Niyugyog ng magnitude 5.2 na lindol ang Occidental Mindoro, kahapon.
Ayon sa Philippine Institute of Volcanology and Seismology (PhiVolcs), dakong alas-12 ng hatinggabi nang tumama ang lindol at ang sentro nito ay naitala sa may 19 kilometro ng timog silangan ng Looc, Occidental Mindoro.
Ayon sa PhiVolcs, tectonic ang ugat ng lindol at nasa 74 kilometro ang lalim ng lupa ng naturang lindol.
Bunsod nito, naramdaman ang lakas ng lindol sa Intensity V sa Sablayan, at Rizal, Occidental Mindoro, Intensity IV sa San Jose at Paluan, Occidental Mindoro; Puerto Galera, Calapan City, at San Teodoro, Oriental Mindoro.
Intensity III naman sa City of Manila; City of Las Piñas; City of Lipa at Batangas City, BATANGAS; Abra De Ilog at Lubang, Occidental Mindoro; Alfonso, Cavite, samantalang Intensity II sa Quezon City, Pasig, Marikina, Makati, Valenzuela, Bacoor City, Cavite; Looc, Occidental Mindoro at Intensity I sa General Trias City, Cavite.
Ayon sa Phivolcs asahan na ang aftershocks kaugnay ng naganap na lindol.
- Latest