Parak at sundalo nagduwelo: 1 patay!
Cotabato City, Philippines — Napatay ng pulis ang isang sundalo na sa Basilan nakadestino matapos silang magduwelo sa bayan ng Kalawit, Zamboanga del Norte nitong Martes.
Patay agad sa mga tama ng bala si Army Cpl. Raymart Tabat ng 64th Infantry Battalion na nabaril ni Police Cpl. Dexter Piala na nagtangkang usisain ito nang mapansing may sukbit na baril sa baywang.
Ayon kay Major Roseller Buburan, acting police chief ng Kalawit, biglang bumunot ng baril si Tabat at pinaputukan si Piala.
Tinamaan sa binti ang misis ni Piala sa pamamaril ni Tabat.
Agad namang nakaganti ng putok si Piala na nagsanhi ng pagkakapatay nito kay Tabat.
Si Tabat at kasapi ng 64th IB na ang battalion headquarters ay nasa Barangay Tumahubong sa bayan ng Sumisip sa Basilan.
- Latest