Pre-wedding naging madugo:16-anyos na bisita, tinodas

PIO V. CORPUZ, Masbate, Philippines — Nabulabog ang kasayahan sa ginagawang pre-wedding celebration matapos na isang 16-anyos na binatilyo ang biglang inundayan ng saksak sa Brgy. Tubog, ng bayang ito kamakalawa ng gabi.

Nasawi sa isang malalim na saksak sa kaliwang bahagi ng dibdib ang biktima na kinilalang si John Rey Lihaylihay Porio, isang out-of-school youth at residente ng naturang lugar.

Tinutugis naman ng mga pulis ang hindi pa nakikilalang suspek na agad tumakas makaraan ang pananaksak sa biktima.

Sa ulat, dakong alas-11:40 ng gabi habang nakikipagsaya ang biktima sa selebrasyon ng pre-wedding ng ka-barangay nang lapitan ng hindi nakilalang suspek na armado ng patalim.

Sa hindi pa malamang motibo ay bigla na lang sinaksak sa kanyang dibdib ang biktima na duguang humandusay.