Mister binoga sa likod, todas

IRIGA CITY, Camarines Sur, Philippines — Dead-on-the spot ang isang magsasaka matapos barilin sa likod habang naglalakad kasama ang kapatid ng nakaabang na suspek sa Sitio San Jose, Brgy. Antipolo ng lungsod na ito kamakalawa ng hapon.

Kinilala ang biktima na si Angel Borreto Vibar, may asawa, magsasaka ng Brgy. May-ong, Tiwi, Albay habang tinutugis na ang tumakas na si Junior “Patos” Clerico, residente ng naturang barangay.

Sa ulat ng kapatid ng biktima na si Renato,36-anyos sa mga pulis, dakong alas-3:30 ng hapon masaya silang naglalakad ng kapatid nang sa hindi malamang dahilan ay biglang humarang sa daraanan. ang suspek na armado ng isang sumpak.Iiwas sana silang magkapatid pero pinutukan ng suspek sa likurang bahagi ng katawan ang biktima na agaran nitong ikinamatay.

Mabilis namang tumakas ang suspek patungo sa hindi malamang direksyon.