Caravan sa gun owners isasagawa sa Nueva Ecija
SAN ANTONIO, Nueva Ecija, Philippines — Nakatakdang magsagawa ng License to Own and Possess Firearm (LOPF) caravan ang mga gun owners at gun enthusiasts sa San Antonio municipal gymnasium, ng bayang ito sa Enero 14 at 15.
Inanunsiyo mismo ito ni San Antonio Mayor Arvin Salonga at sinabing iniimbitahan ang mga gun owners at gun enthusiasts sa Nueva Ecija na pumila na sa nasabing caravan upang magkapag-renew ng lisensya sa baril o mag-file ng bagong aplikasyon.
Magandang pagkakataon aniya ito, dahil hindi na pupunta sa Camp Crame sa Quezon City o sa Camp Olivas sa Pampanga ang mga magsisipag-renew at maging ang mga new applicants dahil nasa lalawigan na ang LOPF caravan.
First come, first-served basis umano ito. Ang requirements para sa mga new applicants ay ang mga sumusunod: Application form (provided during the caravan); dalawang valid government IDs; certificate of gun safety seminar (provided during seminar); proof of income; NSO Birth Certificate; NBI Clearance; Police Clearance; Proof of Billing; Neuro-Psychiatric Exam (provided during seminar); Drug Test (provided during seminar); at 2x2 ID Picture.
- Latest
