Higit 300 katao inilikas sa panibagong pagbaha
TUGUEGARAO CITY, Cagayan, Philippines — Higit sa 300 katao ang inilikas ng otoridad bunsod nang pagbaha sa dalawang Barangay sa lungsod na ito simula noong Linggo hanggang kahapon.
Ayon sa Provincial Disaster Risk Reduction Management Office (PDRRMO) sanhi ng patuloy na buhos ng ulang Amihan ang nagpataas sa antas ng Cagayan river sa taas na 7.74 metro upang ilubog ang Capatan Bridge papasok sa Tuguegarao City proper.
Ang mga Barangay ng Annafunan at Balzain east ang pinasok ng tubig baha sanhi upang ilikas ang 325 na katao mula sa 90 na pamilyang dinala sa evacuation centers.
Lubog din sa baha at putik ang pitong city roads dagdag ng PDRRMO.
Maliban sa lungsod na ito, lubog din sa baha ang Goran-Cordova overflow bridge sa bayan ng Amulung at ang Calapangan bridge na nag-uugnay sa mga bayan ng Rizal at Lasam.
Hindi na rin madaanan ang Patungan road sa Sta. Ana at ang daan mula sa Barangay Logac, Lasam hanggang Brgy. Gagabutan, Rizal dagdag ng PDRRMO.
- Latest
