61 barangays ng 16 na bayan sa Bulacan, lumubog sa baha
MALOLOS CITY, Bulacan, Philippines — Iniulat ng Bulacan Provincial Disaster Risk Reduction Management Office (PDRRMO) na 61 barangays na sakop ng 16 na bayan sa lalawigang ito ang lumubog sa baha sanhi ng bagyong Ulysses.
Binayo ng napakalakas na hangin at ulan kahapon ng madaling araw at kamakalawa ng gabi ang buong lalawigan na dinaanan ng mata ng nasabing bagyo pagkatapos nitong mag-land fall sa lalawigan ng Quezon.
Halos 4 na oras na hindi tumigil ang pagbuhos ng ulan at sinabayan pa ng pagpapakawala ng tubig ng 3 dam sa Bulacan, ang Angat, Bustos at Ipo Dam na siyang naging sanhi ng mabilis na pagtaas ng tubig baha.
Tinatayang nasa 3,370 pamilya ang inilikas mula sa 16 na bayan sa lalawigan at dinala sa iba’t ibang evacuation centers sa Bulacan.
- Latest