Steelman kisay sa construction site
CAVITE, Philippines — Patay ang isang 63-anyos na steelman matapos na aksidenteng sumabit ang hawak nitong bakal sa kawad ng kuryente sa isang construction site kahapon ng umaga sa Brgy. Poblacion 10, bayan ng Amadeo, dito.
Hindi na umabot pang buhay sa Ospital ng Tagaytay ang biktima na kinilalang si Edgardo Anacay na taga-Brgy. Salaban, Amadeo, Cavite.
Sa imbestigasyon ng pulisya, alas-9 ng umaga, kasalukuyang abala sa trabaho ang biktima sa construction site at hawak nito ang isang mahabang bakal nang aksidenteng dumikit ang dulo nito sa live wire ng Meralco.
Mabilis na gumapang dito ang boltahe ng kuryente mula sa poste at pumasok sa katawan ng biktima sanhi upang agad mangisay nang hindi agad makabitaw sa hawak na bakal.
- Latest