Senglot nilamon ng ilog
BAYOMBONG, Nueva Vizcaya, Philippines — Isang lasing na magsasaka ang nasawi matapos tangayin umano ng agos ng tubig at malunod habang tumatawid sa malaking ilog sa Bagabag ng lalawigang ito kamakalawa.
Kinilala ang biktima na si Dionisio Butac, 69, residente ng Purok 5 Tuao North sa nasabing bayan.
Sa ulat, unang dumayo ang biktima sa Sitio Dumayop na nasa kabilang bahagi ng ilog kung saan doon siya nakitang nakikipag-inuman.
Matapos ang laklakan, nagpasyang umuwi ang biktima kung saan nakita pa umano siyang tumatawid sa Magat River dakong alas-4:00 ng hapon. Subalit alas-5:30 ng hapon ay natagpuan na lamang ang kanyang bangkay sa nasabing ilog sa Barangay Baretbet.
- Latest