2 rider tepok sa salpok ng trak
MANILA, Philippines — Dalawang motorcycle rider ang nasawi nang sumalpok sa kasalubong na trak sa magkahiwalay na aksidente sa lalawigan ng Camarines Sur at Davao de Oro.
Sa ulat, nasawi ang 21-anyos na si Sandy Margate Pelaez, binata habang patuloy na inoobserbahan ang batang angkas nito na hindi na pinangalanan.
matapos na bumangga ang kanilang motorsiklo sa kasalubong na Isuzu Truck (NAA-8081) sa kahabaan ng Maharlika National Highway sa Zone-1,Brgy.Bonifacio,San Fernando,Camarines Sur kamakalawa ng alas-9:10 ng gabi.
Sumuko naman ang driver ng nakabanggaang trak na si Antonio Hubilla Jr.,49,residente ng Brgy.Mabolo,Naga City.
Nasawi noon din ang 23-anyos na dalaga na si Donna Belle Caspillo, 23, residente ng New Panay, Tulunan, Cotabato makaraang bumangga ang minamanehong motorsiklo sa kasalungat na truck sa KM. 67 National Highway, Barangay Tuboran, Mawab, Davao de Oro, kahapon ng alas-7:00 ng umaga.
Sumuko ang driver ng truck na si Zaldy De La Cruz Policarpio, 41,may-asawa at residente ng Purok 7, Bangkas HTGS, Toril, Davao City.
- Latest
