Fuel tanker swak sa bangin

MANILA, Philippines — Isang fuel tanker na may kargang 24,000 litro ng gasolina ang nahulog sa bangin sa Tuba, Benguet kahapon.

Ayon kay Cordillera Provincial Police Director Brig. Gen. RWin Pagkalinawan, ang naturang truck ay mula sa Batasan Hills, Quezon City at papuntang Baguio City nang mangyari ang insidente.

Sugatan ang driver ng tanker na si DIezon Asis Bernardo, 34-anyos at nilalapatan ng lunas sa Baguio General Hospital.

Sa ulat, tinangka umano ni Bernardo na mag-overtake sa isa pang fuel tanker hanggang sa mawalan ng kontrol sa manibela sanhi upang tuluy-tuloy na bumulusok pababa sa bangin.