Single mom hinalay, pinatay!

Natagpuang naaagnas sa palayan

TUGUEGARAO CITY, Cagayan, Philippines — Brutal na pinatay at pinaniniwalaang hinalay ng mga hindi pa natukoy na salarin ang isang 20-anyos na estudyanteng single mother na natagpuang naaagnas sa isang palayan sa Brgy. Isidro Paredes, Diffun, Quirino noong Sabado.

Sa report kay Capt. Reynolds Gonzales, hepe ng Diffun Police Station, nagtamo ng palo sa ulo na nakasuot ng palda at pu-ting long sleeve si Abegail Tan, 20, na Grade 11 student sa Rosario National High School at residente ng Brgy. Mabini, Santiago City, Isabela. 

Ayon kay Santiago City Police Director Colonel Juan Aggasid, napaulat na nawawala si Tan noon pang Pebrero 17 matapos magpaliban sa eskwela upang alagaan ang may sakit nitong anak na sanggol. Huli siyang nakita sa Barangay Calaocan dakong alas 7:00 ng gabi ng nasabing araw kung saan natagpuang abandonado ang kanyang motorsiklo sa hindi kalayuan, dagdag ni Aggasid.

Nabatid na nangangapa pa ang pulisya kung paano napadpad sa kanilang teritor­yo ang bangkay ng dalaga.

Nilinaw ni Aggasid na hindi kamag-anak ni Santiago City Mayor Joseph Tan ang dalagang biktima.

Isinailalim na sa pagsusuri ng police crime laboratory ang mga labi ni Tan upang matukoy ang sanhi ng kanyang malagim na kamatayan.