Binata nilamon ng lawa
MANILA, Philippines — Isang binata ang nasawi makaraang lamunin ng lawa ng Laguna habang naliligo sa Barangay Pila-Pila, Binangonan, Rizal kahapon ng umaga.
Wala nang buhay ang biktimang si John Vincent Ceñalada nang matagpuan ng mga rescuer sa Rizal.
Sa pahayag ng testigong si Nelson Pagubasan sa Binangonan Municipal Police dakong alas-9:30 ng umaga nang mamataan niyang naliligo ang biktima sa naturang lawa na malapit lamang sa barangay hall ng Barangay Pila-Pila. Makalipas ang isang oras, hindi na umano nila makita pa ang biktima kaya’t kaagad na siyang humingi ng tulong at hinanap ito.
Nang matagpuan ang biktima ay tinangka pa nilang i-revive ngunit wala na siyang buhay.
- Latest