3 katao todas sa road mishap
CAMP NAKAR, Lucena City, Philippines — Tatlo ang kumpirmadong patay sa magkakahiwalay na aksidente sa lansangan sa lalawigan ng Quezon, kamakalawa.
Ayon kay Quezon Police Provincial Office (QPPO) director P/Col. Audie Madrideo, unang nangyari ang aksidente sa Brgy. San Jose, General Luna, Quezon dakong alas-12:00 ng tanghali. Bumagok ang ulo ni Luvimin Bueno, 43, sa sementadong kalye matapos siyang tumilapon mula sa pagkakaupo sa likod ng minamanehong tricycle ng live-in partner na si Junio Bollo, 55.
Ayon sa QPPO Tumatawid naman sa madilim na bahagi ng Calabarzon Road sakop ng Purok Maabo, Brgy. Mayao Parada dakong alas-7:30 ng gabi ang 17-anyos na estudyanteng si Jessamy Cantos nang mabangga ng Dalahican bound na Suzuki Raider na minamaneho ng walang mga helmet at lisensya na si Miguel Dador, 50. Nadala pa sa ospital si Dador subalit kalaunan ay namatay dahil sa matinding pinsala sa ulo.
Samantala, basag din ang bungo ni Paterno Arbelon, 55, nang mabangga ng motorsiklo ng photographer na si Wensel Bongaway, 30, ng Calamba City dakong alas-11:30 ng gabi sa highway ng Brgy. Hinguinwin, Padre Burgos, Quezon.
- Latest
