2 bata nalunod sa outing
Legazpi City, Albay, Philippines — Parehong patay at palutang-lutang sa karagatan nang matagpuan ang magkapatid na paslit matapos na tangayin ng malalaking alon at nalunod sa kanilang paliligo sa dagat sa kanilang family outing sa Brgy.Tambongon sa Viga, Catanduanes kamaka-lawa ng umaga.
Unang nakuha dakong alas-12:30 ng tanghali ang bangkay ni Mark Justin Orcilada, 9-anyos at alas-8 ng gabi naman natagpuan ang katawan ng nakatatandang ka-patid na si Ysha Jane,11-anyos, pawang residente ng Brgy. San Vicente, nasabing bayan.
Sa ulat, dakong alas-10:30 ng umaga, nagpunta sa dagat ang magkapatid kasama ang mga kapamilya para maligo para sa kanilang “family outing.” Gayunman, makalipas ang mahigit isang oras, tumatakbong umahon at nagsumbong ang kanilang pinsang si Jomar na tinangay ng malakas na agos ang magkapatid.
Agad humingi ng saklolo ang mga magulang sa barangay sa pangunguna ni Kapitan Borromeo Ocray na agad lumusong para hanapin ang magkapatid pero umabot ng ilang oras bago magkasunod na narekober.
- Latest
