2 motor inararo ng SUV: 3 patay

NORTH COTABATO  , Philippines  —  Tatlo katao ang nasawi kabilang ang isang sundalo matapos na araruhin ng isang SUV ang sinasakyan nilang motorsiklo at payong-payong na tricycle sa naganap na aksidente sa Barangay Macabiso, Sultan Mastura, Maguindanao, Huwebes ng gabi

Nakilala ang mga biktima na sina Daud Asnan 30-anyos, Abdillah Ali 60-anyos kapwa ng Barangay Gang, Sultan Kudarat Maguindanao at isang mi-yembro ng militar na si Staff Sergeant Arlan Orete.

Ayon kay Sultan Mastura Police Chief Investigator, P/Chief Master Sergeant Amirhan Isnain, inararo umano ng Montero Sports na minamaneho ni Minandang Sendad ang motorsiklo at payong-payong habang bumabagtas sa naturang lugar dakong alas-9:40 ng gabi. Sina Asnan at Ali ay ang sakay ng payong-payong habang si Staff Sergeant Arlan Rosete ang lulan ng single motorcycle.

Nasa kustodya na ng Sultan Mastura Police si Sen-dad na nahaharap sa patung-patong na kaso.