Trike driver dinedo ng pasahero
PAGBILAO, Quezon, Philippines — Lumuwa ang bituka ng isang tricycle driver makaraang saksakin ng kanyang pasahero kamakalawa ng gabi sa Barangay Bukal ng bayang ito.
Namatay habang ginagamot sa MMG Hospital sa Lucena City ang biktimang si Kenneth Luna, 21, binata at residente ng Barangay Mayhay, Pagbilao. Ayon sa mga saksi, dakong alas-11:45 ng gabi habang nakahimpil sa entrada ng Intertown Homes Subdivision ang biktima upang mag-pickup ng pasahero nang dumating ang isang hindi nakikilalang lalaki na nasa 25-30 ng edad, nakasuot ng puting t-shirt at shorts at may kasamang babae.
Sumakay umano ang lalaki at kasama nitong babae sa tricycle ng biktima at nagpapahatid sa loob ng subdivision, subalit hindi pa sila nakalalayo ay bumunot ng patalim na “bente nueve” mula sa baywang ang suspek at agad na inundayan ng saksak ang biktima. Nang bumagsak sa kanyang tricycle ang biktima, mabilis na tumakas ang suspek at kasama nitong babae.
- Latest
