Mister kisay sa kidlat

TUGUEGARAO CITY, Cagayan, Philippines — Patay ang isang katiwala sa sakahan matapos tamaan ng kidlat habang nakasukob sa kanyang tolda sa gitna ng isang bukid sa Brgy. Quezon, San Isidro, Isabela noong Miyerkules.

Sa report ng pulisya, dakong alas-6:30 ng umaga nang madiskubre ng mga residente sa lugar ang bangkay ni Balbino dela Cruz, nasa hustong gulang, na umuusok pa at may palatandaan ng pagkapaso sa kaliwang bahagi ng katawan.

Ayon sa mga residente, walang humpay ang malakas na kulog at kidlat nang nagdaang gabi kaya’t pinaniniwalaan nilang tinamaan ang mister ng kidlat na siya nitong ikinamatay.