Parak inaresto sa indiscriminate firing

MANILA, Philippines — Bagsak kalaboso ang isang bagitong parak matapos na masangkot sa indiscriminate firing sa Brgy. Santol, Balagtas, Bulacan nitong Biyernes.

 Kinilala ni Bulacan Provincial Police Office (PPO)Director P/Sr. Supt. Chito Bersaluna ang nasakoteng suspek na si PO1 Arwin Bornel, 31-taong gulang at nakatalaga sa Valenzuela City Police na nasa ilalim ng hurisdiksyon ng Northern Police District (NPD).

 Sinabi ni Bersaluna na ang suspek ay nasakote ng Balagtas Police matapos isuplong ng mga concerned citizen dahil sa walang habas na pagpapaputok ng baril sa kanilang lugar. Nakumpiska mula rito ang isang Taurus cal. 45 pistol na may 9 na bala, dalawang magazine ng cal. 45 at ilang basyo ng bala ng nasabing armas.