‘Drug peddler’ dedo sa buy-bust
CAMP JULIAN OLIVAS, Pampanga, Philippines — Patay ang isang hinihinalang “drug peddler” matapos umanong manlaban sa mga operatiba ng Mabalacat City Police na nagsagawa ng isang anti-illegal drug operation sa Brgy. Dau, Mabalacat City Lunes ng tanghali.
Kinilala ni Chief Supt. Joel Napoleon Coronel, Police Regional Office 3 director ang napatay na suspek si Andrei Amurao, umano’y nasa drug watchlist at residente sa nasabing barangay. Sa ulat, dakong alas-12:00 ng tanghali nang isagawa ang buy-bust operation laban kay Amurao at isang pulis ang nagpanggap na buyer ng shabu.
Nang magkaabutan ng droga at marked money, nakahalata umano ang suspek kaya tumakbo sa loob ng kanyang bahay at pinutukan ang mga pulis subalit sumablay ito sanhi upang gumanti ang mga operatiba na ikinabulagta ng suspek. Nasamsam sa lugar ang 19 plastic sachet ng shabu na nagkakahalaga ng P100,000, isang cal. 38 baril at P1,000 marked money.
“We continue working double time to stop the proliferation of illegal drug in the region, as we are relentless in our anti-illegal drugs operations,” ani Coronel. (Raymund Catindig)
- Latest