Ex-Sex Bomb dancer, 1 pa tiklo sa droga
MANILA, Philippines — Inaresto ng mga elemento ng pulisya ang isang dating miyembro ng “Sex Bomb dancers” at isa pang pinaghihinalaang drug pusher sa isinagawang buy bust operation sa Bay, Laguna kamakalawa ng gabi.
Sa ulat ni Sr. Supt. Eleazar Matta, Provincial Police Office (PPO) Director ng Laguna Police, kinilala ang mga nasakoteng suspek na sina Sheena Joanna Uypico, 33-anyos, ng Brgy. San Gabriel at Elmer Senorises, 39, ng Brgy. Guadalupe II; pawang ng lungsod.
Bandang alas-8:50 ng gabi nang masakote ang dalawang suspek ng mga operatiba ng Laguna Provincial Intelligence Branch at Drug Enforcement Unit sa pamumuno ni Sr. Inspector Serafin Gapunuan sa buy-bust operation sa parking lot ng Jollibee Bay, Brgy. Dila, Bay ng lalawigan. Nakipag-deal ang mga suspek sa poseur buyer ng pulis para sa bibilhing shabu. Nang aktong iniaabot ng dalawa ang anim na piraso ng kulay kayumangging sobre na naglalaman ng shabu ay dito na sila dinakma ng mga pulis.
Nakuha kay Senorises ang P6,000 cash na hinihinalang pinagbentahan nito ng shabu, cash at isang Honda Esi motorcycle. Nakuha naman kay Uypico ang isang kulay itim na coin purse na may limang maliliit na envelop na naglalaman ng 25 gramong shabu na nasa P70,000 ang halaga.
- Latest