3-anyos nene ni-rape slay ng adik!

TUGUEGARAO CITY, Cagayan  , Philippines  —  Karu­mal-dumal ang sinapit ng isang 3-anyos na nene matapos na gahasain at brutal na patayin ng adik umanong kapitbahay na kainuman pa ng ama ng batang biktima sa Brgy. Rizal, Santiago City, Isabela kamakalawa.

Sa report ng pulisya, natagpuang lumulutang sa isang kanal ang bangkay ng paslit na si Ronalyn Braga na may palatandaang ginahasa at pinahirapan bago pinatay sa sakal.

Dahil dito, dinampot ng mga pulis si Roland Domingo matapos na inguso ng mga saksi na huling kasama ng bata noong Lunes bago natagpuan ang murang katawan nito.

?Nabatid na inamin umano ni Domingo ang krimen bagama’t lango siya sa pakikipag-inuman sa ama ng biktima na si Ronald Braga bago nangyari ang krimen.